Almaniya və Polşa Aİ-yə çətinlik yaradır

Almaniya və Polşa sərhədində nəzarətin artırılması Avropa İttifaqı ölkələri arasında sərbəst hərəkət hüququna mənfi təsir göstərir.

TodayPress TV xəbər verir ki, bu barədə "The Washington Post" məlumat yayıb.

Hazırda Şengen zonasına daxil olan 29 ölkədən 11-i sərhədlərdə yoxlamalar aparır. Bu isə Aİ daxilində sərhədsiz hərəkəti təmin etmək səylərini çətinləşdirir.

Sərhəddə nəzarətin gücləndirilməsi, Almaniya hökumətinin qanunsuz miqrantları Polşaya ötürməsi ilə bağlı yayılan xəbərlərdən sonra gündəmə gəlib. 

Polşa hökuməti isə Baş nazir Donald Tuskun qərarına əsasən, iyulun 7-dən etibarən Almaniya və Litva ilə sərhədlərdə müvəqqəti nəzarət tədbirləri tətbiq edəcəyini açıqlayıb.

Türkan İsgəndərli