Almaniya Norveçdən raketlər alacaq

Almaniya Norveç istehsalı olan Birgə Zərbə Raketləri (JSM) almağa hazırlaşır. 

TodayPress TV xəbər verir ki, bu barədə Norveç Müdafiə Nazirliyi məlumat yayıb.

Bu raketlər Almaniyanın F-35 döyüş təyyarələrində istifadə olunacaq.

Alqı-satqı müqaviləsinin 2025-ci ilin birinci yarısının sonuna qədər imzalanması gözlənilir. Layihənin dəyəri təxminən 6,5 milyard Norveç kronu (təxminən 560 milyon avro) təşkil edir. Almaniya Bundestaqı bu planı artıq təsdiqləyib.

Raketlər Norveçin Kongsberg "Defense & Aerospace" şirkəti tərəfindən ABŞ-nin "Raytheon Missiles & Defense" şirkəti ilə əməkdaşlıqda hazırlanıb və xüsusilə F-35 qırıcıları üçün uyğunlaşdırılıb. Bu raketlər həm quru, həm də dəniz hədəflərini uzaq məsafədən yüksək dəqiqliklə məhv etməyə qadirdir.

Qeyd edək ki, Almaniya bu raketləri alan beşinci ölkə olacaq.

Türkan İsgəndərli