Otaq ətirlərinə pul xərcləməyin - Evinizi belə ətirləndirin

Evdə xoş ətir yaratmağın sadə üsulu açıqlandı.

TodayPress TV xəbər verir ki, evdə yayılan xoş qoxular insanın əhvalını yaxşılaşdıra və daha rahat mühit yarada bilər. Bunun üçün mağazalarda satılan hava təravətləndiricilərindən istifadə etmək əvəzinə, təbii vasitələrlə ev şəraitində aromatik diffuzor hazırlamaq mümkündür.

“Superexpress” nəşrinin məlumatına görə, bunun üçün şüşə qab, ratan çubuqları, 50 ml kokos yağı, üç xörək qaşığı spirt və efir yağları lazımdır.

Diffuzoru hazırlamaq üçün əvvəlcə maye inqrediyentlər qarışdırılır, daha sonra seçilmiş efir yağlarından iki xörək qaşığı əlavə edilir.

Bahalı kosmetika salonlarını xatırladan ətir əldə etmək üçün beş damcı berqamot, dörd damcı buxur, üç damcı səndəl ağacı və iki damcı vanil yağı qarışdırmaq tövsiyə olunur. Daha torpaq çalarlarına üstünlük verənlər vanil əvəzinə bir damcı paçuli yağı da istifadə edə bilərlər.

Hazırlanan qarışım şüşə qaba tökülür, içərisinə ratan çubuqları və ya taxta şişlər yerləşdirilir. Daha sonra qab qonaq otağında və ya dəhlizdə uyğun bir yerə qoyulur.

Nəşrin yazdığına görə, ev şəraitində hazırlanan bu diffuzor uzun müddət məkanı xoş ətirlə təmin edə bilər.

Kübra Musayeva