ING Azərbaycanın iqtisadi artım proqnozunu yaxşılaşdırdı

Niderlandın ən böyük maliyyə qrupu olan “ING Group” Azərbaycanın iqtisadi artım proqnozunu açıqlayıb.

TodayPress TV xəbər verir ki, ING 2025-ci il üzrə ÜDM-in artım proqnozunu 2%-dən 2,5%-ə artırıb.

2026-cı il üzrə proqnoz 2,5 %, 2027-ci il üzrə 2% müəyyən edilib.

Bundan əlavə, bank bu ilin dördüncü rübü üzrə artım proqnozunu 3 %-dən 4%-ə artırıb. 2026-cı il üzrə rüblük artım proqnozunu isə dəyişməz saxlayıb. Beləliklə, gələn ilin birinci rübündə proqnoz 3,5 %, ikinci rübündə 3 %, üçüncü rübündə 2,5 %, dördüncü rübündə isə 1 % müəyyən edilib.

Qeyd edək ki, Azərbaycan İqtisadiyyat Nazirliyi 2025-ci ildə ÜDM-in artımını 3,7 %, 2026-cı ildə 3,2 %, 2027-ci ildə 3,6 % səviyyəsində proqnozlaşdırıb. “S&P Global” 2025-2026-cı illərdə illik 2 %, “Fitch Ratings” 2025-ci ildə 3 %, 2026-cı ildə 2,4 %, “Moody's” isə illik 2,5 % artım gözləyir.

Beynəlxalq Valyuta Fondu 2025-2026-cı illərdə iqtisadi artımın müvafiq olaraq 3,5 % və 2,5 %, Avropa Yenidənqurma və İnkişaf Bankı 2025-ci ildə 3 %, 2026-cı ildə 2,5 %, Asiya İnkişaf Bankı növbəti iki il ərzində 3,4 % və 3,3 %, Dünya Bankı isə 2025-ci ildə 2,6 %, 2026-cı ildə 2,4 % səviyyəsində olacağını gözləyir.