ADIF UNEC-də təlim keçdi

Əmanətlərin Sığortalanması Fondu (ADIF) Azərbaycan Dövlət İqtisad Universitetinin (UNEC) tələbələri üçün maliyyə savadlılığının artırılması məqsədilə “Əmanətlərin sığortalanması sistemi: Hüquqi baxış, risklər və böhran zamanı kommunikasiya” mövzusunda əsas hədəf qruplardan olan tələbələr üçün təlimlər keçirib.

TodayPress TV bu barədə ADIF-ə istinadən xəbər verir.

Təlimdə UNEC-in Maliyyə və mühasibat fakultəsinin dekanı (i.e.n) dosent Hafis Hacıyev, Əmanətlərin Sığortalanması Fondunun Risklərin idarə edilməsi, təhlil və investisiya departamentinin direktoru Cəlal Rayi, Ümumi işlər departamentinin direktor müavini Emil Bayramov, Fondun sosial media meneceri Nərmin Cahangirova, Hüquq departamentinin baş hüquqşünası Misirə Xəlilzadə, Risklərin idarə edilməsi, təhlil və investisiya departamentinin baş mütəxəssisi Lalə Cəfərli və Hüquq departamentinin hüquqşünası Qafar Qənbərli iştirak ediblər.

Spikerlər tələbələri əmanətlərin sığortalanması sisteminin təkamülü, əmanətlərin sığortalanması sistemi və qanunvericilik, risklərin idarə edilməsi, risk-əsaslı sığortalanma mexanizmi, habelə böhran zamanı kommunikasiyanın rolu mövzularında maarifləndiriblər. Təlimin sonunda iştirakçılar Fond tərəfindən sertifikat və hədiyyələr ilə təltif edilib.

Qeyd edək ki, ADİF maliyyə savadlılığının artırılması məqsədilə tələbə-gənclər üçün bu səpkili təlimləri, eləcə də əhalinin maliyyə bilik və bacarıqlarının artırılmasına yönəlmiş müxtəlif tədbirləri il ərzində davam etdirəcək.