Mundialın 11-ci iştirakçısı məlum oldu

DÇ-2026-ya 11-ci vəsiqə Avstraliyaya qismət olub. 

TodayPress TV xəbər verir ki, ABŞ, Kanada və Meksikanın evsahibliyi edəcəyi mundialın final mərhələsində çıxış edəcək daha bir ölkənin adına aydınlıq gəlib.

Asiya seçmə zonasında Avstraliya millisi bu şərəfə nail olub. 11-ci sıradan adını mundiala yazdıran “yaşıl qitə” təmsilçiləri ilə yanaşı, eyni zonadan Cənubi Koreya, İran, Yaponiya, İordaniya və Özbəkistan yığmaları da final mərhələsində qələbə uğrunda mübarizə aparacaqlar. 

Ümumilikdə 48 yığma komandanın yer alacağı mundiala təşkilatçı ölkələrlə bərabər, Cənubi Amerikadan dünya çempionu Argentina və Okeaniyadan Yeni Zelandiya yığması da vəsiqə əldə edib.

Namiq HUN