“Liverpul” “Bayer 04”lə razılığa gəldi

“Liverpul” klubu “Bayer 04”ün yarımmüdafiəçisi Florian Virtsin transferi ilə bağlı prinsipial razılığa gəlib. 

TodayPress TV xəbər verir ki, bu barədə jurnalist Ben Ceykobs sosial şəbəkə “X”də məlumat yayıb.

Transferin ümumi dəyəri 117 milyon avro (təxminən 100 milyon funt sterlinq) + 18,7 milyon avro əlavə bonuslar olacaq. Bonusların əsas hissəsi “Liverpul”un böyük titullar qazanması və həmin uğurlara Virtsin komandada olduğu dövrdə nail olunması şərtilə ödənəcək.

Qeyd edək ki, 22 yaşlı Florian Virts 2024/2025 mövsümündə Bundesliqada 31 oyunda iştirak edərək 10 qol vurub və 12 məhsuldar ötürmə edib. O, həmçinin UEFA Çempionlar Liqasında 9 matçda 6 qol və 1 assistlə yadda qalıb.

Namiq HUN