Kirsti Koventri BOK prezidenti oldu
Kirsti Koventri rəsmi olaraq Beynəlxalq Olimpiya Komitəsinin (BOK) yeni prezidenti vəzifəsində işə başladı.
TodayPress TV xəbər verir ki, o, 20 mart 2025-ci il tarixində keçirilən səsvermənin ilk turunda Sebastyan Kou və Xuan Antonio Samaranç kiçik kimi nüfuzlu namizədləri qabaqlayaraq mütləq səs çoxluğu ilə prezident seçilib.
Qeyd edək ki, 2013-cü ildən bu vəzifəni icra edən almaniyalı Tomas Bax yeni müddətə namizədliyini irəli sürməyib.
Xatırladaq ki, Kirsti Koventri - Zimbabvedən olan məşhur üzgüçüdür. O, ikiqat Olimpiya çempionu və çoxqat dünya çempionu, həmçinin dünya rekordçusudur. Kirsti, Zimbabve idman tarixində ən titullu idmançı hesab olunur.
Namiq HUN
