Keçmiş atlet İstanbul klubunda vəzifə aldı
Azərbaycanəsilli keçmiş idmançı Ramil Quliyev Türkiyədə məsul vəzifəyə gətirilib.
TodayPress TV xəbər verir ki, o, “Fənərbağça” İdman Klubunun Atletika Departamentinin rəhbəri təyin edilib.
İstanbul təmsilçisinin rəsmi saytı bu barədə məlumat yayıb. Lakin Quliyevlə bağlanan müqavilənin detalları açıqlanmayıb.
Qeyd edək ki, Ramil Quliyev atletika üzrə Türkiyə yığma komandasının heyətində çıxış edərək dünya və Avropa çempionu titullarını qazanıb.
Namiq HUN
