Hər futbolçuya avtomobil hədiyyə edildi

Özbəkistan milli komandasının futbolçularına ölkə Prezidenti Şavkat Mirziyoyev tərəfindən BYD elektromobilləri hədiyyə edilib.

TodayPress TV xəbər verir ki, səbəb Özbəkistan yığmasının tarixində ilk dəfə futbol üzrə dünya çempionatının final mərhələsinə vəsiqə əldə etməsidir.

Avtomobillər Qətər komandası üzərində qazanılan 3:0 hesablı qələbədən sonra stadionda futbolçulara təqdim olunub.

Həmçinin Ş. Mirziyoyev komanda üzvlərini və məşqçiləri “Özbəkistanın fəxri” adı ilə təltif edib.

Xatırladaq ki, Özbəkistan millisinin final mərhələsinin IX turunda səfərdə Birləşmiş Ərəb Əmirlikləri yığması ilə keçirilən matçı 0:0 hesabı ilə yekunlaşmışdı. Bununla da sona bir tur qalmış komanda DÇ-2026-ya vəsiqəni təmin etmişdi.

(“Qafqazinfo”)

Namiq HUN