Biatlon məşqi zamanı uşaq xəsarət aldı
Kamçatkada biatlon kompleksində məşq zamanı uşaq xəsarət alıb.
TodayPress TV xəbər verir ki, hadisə barədə “Kamçatka-Inform” agentliyi məlumat yayıb.
Bildirilir ki, 11 yaşlı qız pnevmatik tüfəngdən atəş açaraq təsadüfən həmyaşıdının gözünə xəsarət yetirib. Hadisə Petropavlovsk-Kamçatsk şəhərinin biatlon kompleksində baş verib.
“11 yaşlı qız ehtiyatsızlıq səbəbindən pnevmatik silahdan atəş açıb, nəticədə həmyaşıdı sağ gözündən xəsarət alıb”, – deyə prokurorluq nümayəndəsi bildirib.
Hazırda Kamçatka prokurorluğu hadisə ilə bağlı yoxlama aparır. Təlim zamanı təhlükəsizliyə cavabdeh şəxslərin fəaliyyəti də qiymətləndiriləcək.
Namiq HUN
