Zelenski yeni sanksiyalar tətbiq etdi
Ukrayna prezidenti Volodimir Zelenski Rusiya ilə əlaqəli şəxslərə və şirkətlərə qarşı sanksiyaların növbəti dalğasını təsdiqləyib.
TodayPress TV xəbər verir ki, bu dəfə sanksiya siyahısına Çeçenistan lideri Ramzan Kadırovun köməkçisi Əhməd Dudayev də daxil olmaqla 10 nəfər əlavə olunub.
Sanksiyalar Ukrayna Təhlükəsizlik Xidmətinin (SBU) təqdimatı əsasında tətbiq olunub və şəxsi iqtisadi və digər məhdudlaşdırıcı tədbirləri əhatə edir.
Sanksiyalar yalnız fiziki şəxslərlə məhdudlaşmır. Ukrayna, Kipr və Hollandiyada qeydiyyatda olan bəzi şirkətlər də siyahıya daxil edilib.
Zelenski administrasiyası bu tədbirləri Ukraynanın milli təhlükəsizliyini qorumaq məqsədilə həyata keçirdiyini bildirib.
Türkan İsgəndərli
