Zelenski: "Ukrayna ərazilərini tərk edə bilməz"

Ukrayna Prezidenti Volodimir Zelenski bəyan edib ki, Ukrayna Donetsk, Luqansk, Zaporojye və Xerson vilayətlərinin ərazilərini sadəcə olaraq tərk edə bilməz.

TodayPress TV xəbər verir ki, bu barədə o, "Fox News" telekanalına müsahibəsində məlumat verib. 

"Burada nə prezident, nə parlament, nə də referendum bir faktı dəyişə bilməz. Bu, bizim qanunvericiliyimizə ziddir", - deyə o bildirib.

Bundan əlavə, prezident qeyd edib ki, məsələ təkcə qanunda deyil, bu ərazilərdə təxminən 300 min insan yaşayır:

"Nə qədər yaralı və həlak olanın olduğunu nəzərə alsaq, biz sadəcə "çıxıb" onları qoya bilmərik. Orada bizim ordumuz dayanır".

Dövlət başçısı qeyd edib ki, potensial kompromis tənzimləmə ilə bağlı istənilən qərarlar yalnız Ukrayna vətəndaşlarının birbaşa razılığı ilə qəbul edilə bilər. Onun sözlərinə görə, söhbət ümumi və ya bəyannamə xarakterli razılaşmalardan deyil, 20 bənddən ibarət konkret plandan gedir. 

O, həmçinin qeyd edib ki, nəzərdən keçirilən mümkün kompromis variantları arasında hər iki tərəfdən bir neçə kilometrlik qoşunların geri çəkilməsi ilə azad iqtisadi zonanın yaradılması ideyası da var.

"Əgər qərar bu formatda veriləcəksə, onda referendum onu qəbul etmək və ya rədd etmək üçün bir yoldur", - deyə Ukrayna lideri vurğulayıb.

Aysel Mətləb

TodayPress TV