WSJ: İsrailin baş qərargah rəisi HƏMAS-la girov razılaşmasını dəstəkləyir

İsrail Ordusunun Baş Qərargah rəisi Eyal Zamir HƏMAS hərəkatı ilə girovların azad olunmasına dair razılaşmanın əldə olunması ideyasını dəstəkləyib.

TodayPress TV xəbər verir ki, bu barədə “The Wall Street Journal” nəşri məlumat yayıb.

Nəşrin mənbələrinə görə, general Zamir Qəzza zolağında hərbi əməliyyatların davam etməsinin İsrail girovlarının həyatını təhlükəyə atdığını düşünür.

Digər tərəfdən, İsrailin Baş naziri Benyamin Netanyahunun mövqeyi dəyişməz qalır: o, HƏMAS-ın Qəzzada hakimiyyətdən uzaqlaşdırılmasını və radikal qruplaşmanın tamamilə silahsızlaşdırılmasını zəruri hesab edir.

Qeyd edək ki, iyulun 5-də İsrail hökuməti HƏMAS-ın atəşkəslə bağlı təklifə cavabını vasitəçilər üzərindən alıb.

Qiymət Mahir