Ukrayna üçün nəzərdə tutulan ABŞ silahları Yaxın Şərqə göndərilə bilər

ABŞ dövlət katibi Marko Rubio Ukrayna üçün nəzərdə tutulan silahların Yaxın Şərqə yönləndirilə biləcəyini irəli sürüb.

TodayPress TV xəbər verir ki, bu barədə o, Fransada keçirilən G7 xarici işlər nazirlərinin görüşünün ardından jurnalistlərlə görüşündə danışıb.

"Bu hələ baş verməyib. Hələ ki, heç nə yönləndirilməyib, amma baş verə bilər. Bunlar bizim silahlarımızdır. Söhbət NATO tərəfindən maliyyələşdirilən "PURL" proqramı çərçivəsində silah satışından gedir.

Aydınlaşdırmaq istəyirəm ki, hərbi ehtiyac yarandıqda, istər təchizat, istərsə də ABŞ-nin milli maraqları naminə tapşırıqları yerinə yetirmək üçün olsun, avadanlıqlarımıza gəldikdə həmişə birinci sırada olacağıq", - deyə Rubio bildirib.

Aysel Mətləb

TodayPress TV