Stubb: "Avropa Rusiya ilə birbaşa danışıqlar aparmalı olacaq"

Finlandiya Prezidenti Aleksander Stubb bildirib ki, Ukrayna münaqişəsinin hansısa mərhələsində Avropa ölkələri Rusiya ilə birbaşa danışıqlara başlamalı olacaq.

TodayPress TV xəbər verir ki, bu barədə "Politico" məlumat yayıb.

Bildirilib ki, Stubb bu cür danışıqların əvvəlcədən koordinasiya olunmalı olduğunu deyib və ABŞ-nin prosesdə aparıcı rolundan məmnun olduğunu vurğulayıb.

Onun sözlərinə görə, Vaşinqton Rusiyaya qarşı yeni sanksiya paketini işə salmalı və təzyiqi artırmalıdır.

Finlandiya Prezidenti həmçinin qeyd edib ki, hazırkı şəraitdə Ukraynada atəşkəs real görünmür. O, Zelenski ilə noyabrın 14-də apardığı danışıqdan və son həftələrdəki ABŞ-Aİ mövqelərindən sonra belə nəticəyə gəldiyini deyib.

Aysel Mətləb

TodayPress TV