Sirli ölümlər davam edir: İtkin düşən alimlərdən birinin cəsədi tapıldı
ABŞ-nin Nyu-Meksiko ştatının polisi Los Alamos Milli Laboratoriyasının 54 yaşlı əməkdaşı Melissa Kasiasın cəsədinin tapıldığını açıqlayıb.
TodayPress TV xəbər verir ki, o, 2025-ci ilin iyun ayından itkin düşüb.
Məlumata görə, Kasiasın cəsədi Carson Milli Meşəsi ərazisində, MakQaffi silsiləsi yaxınlığında aşkarlanıb. Hadisə yerində tapança da tapılıb. Ölümün səbəbləri araşdırılır.
Bildirilir ki, Melissa Kasias sonuncu dəfə 26 iyun 2025-ci ildə görülüb. Həmin gün həyat yoldaşını işə apardıqdan sonra evə qayıdıb. Daha sonra müşahidə kameraları onu tək halda magistral yolda qeydə alıb. Onun şəxsi və iş telefonlarının evdə, zavod parametrlərinə sıfırlanmış vəziyyətdə tapıldığı qeyd olunur.
Mediada Kasiasın son illərdə hökumət layihələri üzərində çalışan və müəmmalı şəraitdə itkin düşən və ya həyatını itirən bir sıra amerikalı alimlərlə eyni siyahıda göstərildiyi bildirilir. Həmin şəxslər arasında Entoni Çaves, Monika Hasinto Reza, Stiven Qarsiya və Coşua Leblanın adları çəkilir.
Ən çox diqqət çəkən hadisələrdən biri isə 2026-cı ilin fevralında elmi-tədqiqat laboratoriyasının sabiq rəhbəri Uilyam Neilin itkin düşməsi olub.
Bununla belə, hazırda itkin düşən və ya həlak olan alimlər arasında hər hansı əlaqənin mövcudluğunu təkzib edir.
Hadisələrlə bağlı araşdırmalar davam edir.
Türkan İsgəndərli
