Qəzzada hündürmərtəbəli binaya zərbə endirildi
Qəzza şəhərinin Tel əl-Hava məhəlləsində yerləşən “Burc Məkkə” adlı çoxmərtəbəli bina İsrail Hərbi Hava Qüvvələrinin zərbəsi nəticəsində tamamilə dağıdılıb.
TodayPress TV xəbər verir ki, bu barədə "Əl-Cəzirə" məlumat yayıb.
Əməliyyatdan əvvəl binanın sakinləri xəbərdarlıq əsasında təxliyə edilərək Xan Yunisin cənubundakı humanitar zonaya köçürülüblər.
Məlumata görə, münaqişə başlayandan bəri Qəzzada 25 hündürmərtəbəli bina dağıdılıb. İsrail ordusu HƏMAS-ı bu binalardan komandanlıq, müşahidə məntəqəsi və snayper mövqeləri kimi istifadə etməkdə ittiham edir.
Günün ikinci yarısında Qəzzanın cənubunda humanitar yardım mərkəzində yemək alan fələstinlilər artilleriya atəşinə məruz qalıb. Nəticədə 6 nəfər ölüb.
Türkan İsgəndərli
