NATO ən böyük silah istehsalını təsdiqləyir

NATO ölkələri Soyuq Müharibədən bəri ən böyük silah artımını təsdiqləyib.

TodayPress TV xəbər verir ki, bu barədə Almaniyanın “DPA” xəbər agentliyi məlumat yayıb. 

Bildirilib ki, NATO-ya üzv ölkələrin müdafiə nazirlərinin Brüsseldə keçirilən görüşündə əldə olunan razılaşma yaxın illərdə çəkindirmə və müdafiə imkanlarının əhəmiyyətli dərəcədə genişləndirilməsini nəzərdə tutur. 

NATO-nun baş katibi Mark Ruttenin sözlərinə görə, əsas prioritetlərə uzaqmənzilli silah sistemləri, hava hücumundan müdafiə və quru qoşunları daxildir.

Agentlik qeyd edir ki, ayrı-ayrı NATO ölkələrinə yaxın gələcəkdə birgə çəkindirmə və müdafiəyə necə töhfə vermələri barədə aydın təlimatlar veriləcək.

Nicat Osman