Moldovada 247 seçki pozuntusu aşkarlandı
Moldovanın "Promo-Lex" hüquq müdafiə təşkilatı davam edən parlament seçkilərində 247 qanun pozuntusunu qeydə aldığını bildirib.
TodayPress TV xəbər verir ki, bu barədə qurumun saytında dərc olunan məlumatda deyilir.
Pozuntu kimi təsnif edilən 344 işə baxılıb, onlardan 247-i təsdiqlənib.
Onlar arasında seçicilərin məntəqələrə daşınması və həmin məntəqələrdə videoçəkiliş aparılması halları da var.
Sorğulara əsasən, hazırda hakimiyyətdə olan və prezident Maya Sandunu dəstəkləyən Fəaliyyət və Həmrəylik Partiyası çoxluğu itirə bilər. Bu halda yeni hökumət koalisiya ilə qurula bilər.
Müxalifət isə hakimiyyəti inzibati resurslardan istifadə etməkdə və saxtakarlıqda ittiham edir.
Türkan İsgəndərli
