Kanalizasiya lyukları öldürür - Özünüzü qoruyun - VİDEO
ABŞ-nin New York City şəhərinin Manhetten rayonunda 22 yaşlı tələbə qız kanalizasiya lyukuna düşüb.
TodayPress TV xəbər verir ki, məlumata görə, Fabiana küçədə gedərkən ayağını lyuk qapağının üzərinə basıb.
Qapaq yerindən çevrildiyi üçün o, lyukun içinə düşüb.
Araşdırma zamanı məlum olub ki, hadisədən əvvəl həmin ərazidə iş aparan əməkdaşlar lyuk qapağını tam yerləşdirmədən ərazini tərk ediblər.
Fabiana bildirib ki, lyukun içində su boğazına qədər qalxmışdı və o, kömək istəsə də, səsi çölə çatmayıb. Hadisəni yaxınlıqdan keçən motosikletçi görərək köməyə çağırıb. Daha sonra ətrafdakı insanların dəstəyi ilə gənc qız lyukdan çıxarılıb.
Hadisə ilə bağlı məsul şəxslər polis tərəfindən saxlanılıb. Faktla bağlı araşdırma aparılır.
Mütəxəssislər belə halların qarşısının alınması üçün kommunal xidmət əməkdaşlarının iş başa çatdıqdan sonra lyuk qapaqlarının təhlükəsiz şəkildə yerinə oturduğunu yoxlamalarının vacibliyini vurğulayırlar.
Türkan İsgəndərli
