İsrail Dəməşq yaxınlığında əməliyyat keçirdi

İsrail xüsusi təyinatlıları Suriyanın paytaxtı Dəməşq yaxınlığında yerləşən Yafur yaşayış məntəqəsində beş saatlıq əməliyyat keçirib. 

TodayPress TV xəbər verir ki, bu barədə "Əl Mayadeen" telekanalı məlumat yayıb.

Bildirilib ki, əməliyyat səhər saatlarında üç helikopterin bölgəyə enişi ilə başlayıb. Yafur məntəqəsi Dəməşqdən təxminən 10 kilometr aralıda yerləşir.

Məlumata görə, İsrail qüvvələrinin əsas hədəfi əvvəllər Suriya Respublika Qvardiyasına məxsus olan hərbi baza olub. Əməliyyat başa çatdıqdan dərhal sonra İsrail hərbçiləri Suriya ərazisini tərk ediblər.

Rəsmi Dəməşq hadisəyə hələlik rəsmi münasibət bildirməyib.

Türkan İsgəndərli