Husilər Səudiyyəni balistik raketlərlə VURDU
Səudiyyə Ərəbistanının başçılıq etdiyi koalisiya Yəmənin "Ənsar Allah" (husilər) hərəkatı tərəfindən krallığın cənubundakı Xamis-Muşayt şəhəri istiqamətində atılmış üç balistik raketi ələ keçirərək məhv edib.
TodayPress TV xəbər verir ki, bu barədə Səudiyyə Mətbuat Agentliyi məlumat yayıb.
"Koalisiya husilərin terrorçu qruplaşması tərəfindən Xamis-Muşayt istiqamətində buraxılmış üç balistik raketi ələ keçirib və məhv edib", - deyə qeyd olunub.
Mümkün xəsarət alanlar və ya yerdəki dağıntılar barədə məlumat verilməyib.
Aysel Mətləb
