Fransada avtomobil pizzaxananın terrasına çırpıldı
Fransanın şimal-qərbində sürücü avtomobili izdihamın üzərinə sürüb.
TodayPress TV yerli mətbuata istinadən xəbər verir ki, qəza nəticəsində bir nəfər ölüb, altı nəfər yaralanıb.
Məlumata görə, hadisə Manş departamentinin Piru şəhərində baş verib. Avtomobildə olan hər iki nəfər yaralanıb.
Hadisənin təfərrüatları hələlik açıqlanmır. Jurnalistlərin sözlərinə görə, avtomobil insanların olduğu pizza evinin terrasına çırpılıb.
