Almaniyada bomba təhlükəsi: 20 min insanı təxliyə edilir

Almaniyanın Köln şəhərində İkinci Dünya müharibəsindən qalma üç bomba tapılıb. Bu səbəbdən 20 mindən çox insan evlərini və iş yerlərini müvəqqəti tərk edəcək.

TodayPress TV xəbər verir ki, bu barədə "BİLD" məlumat yayıb.

Bombalar iyunun 2-də Deutz ərazisində aparılan torpaq işləri zamanı aşkar edilib. Təxliyyə və zərərsizləşdirmə əməliyyatı çərşənbə günü həyata keçiriləcək.

Təxliyə zonasında xəstəxana, məktəblər, uşaq bağçaları, qocalar evi, Köln meriyası və dəmir yolu stansiyası da daxil olmaqla bir çox obyekt yerləşir. Üç körpüdə nəqliyyat müvəqqəti bağlanacaq.

Türkan İsgəndərli