Almaniya Çindən təchizat gecikmələrindən narahatdır

Almaniya hökuməti silah istehsalı üçün vacib olan Çin resurslarının gecikməsi ilə bağlı narahatlığını ifadə edib.

TodayPress TV xəbər verir ki, “Bild”in məlumatına görə, Çin dünya nadir torpaq metallarının 90 faizini istehsal edir və bu sahədəki gecikmələr səbəbindən Almaniyada bir çox müəssisə məhsul istehsalını dayandıra bilər.

Ekspertlər 2024-cü ilin aprelindən etibarən şirkətlərdən “saysız-hesabsız müraciətlər” aldığını təsdiqləyib:

“Təchizat vəziyyəti əhəmiyyətli dərəcədə pisləşəcək. Kiçik və orta biznesin ehtiyatları cəmi bir neçə həftəlikdir”.

Onun sözlərinə görə, əlavə gecikmələr istehsal xətlərinin dayanmasına səbəb olacaq.

Qiymət Mahir