Xüsusi qayğıya ehtiyacı olan uşaqlar üçün yay gəzintisi təşkil edilib
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin müəssisələrində yaşayan uşaqlar üçün yay gəzintisi təşkil edilib. Tədbir çərçivəsində uşaqlar dəniz kənarına aparılıb, onlar burada həm çimmək, həm də müxtəlif əyləncəli fəaliyyətlərdə iştirak etmək imkanı əldə ediblər.
Bu barədə TodayPress TV-yə Agentlikdən məlumat verilib.
Məqsəd uşaqların yay tətilini səmərəli və əyləncəli keçirməsini təmin etmək olub. Bu tədbir sosial xidmət alan uşaqların psixoloji rifahını dəstəkləmək, sosial bacarıqlarını inkişaf etdirmək və onların cəmiyyətə inteqrasiyasını təşviq etmək baxımından xüsusi əhəmiyyət daşıyıb.
