ABŞ alimləri kalmarın rəng dəyişmə sirrini açdı

Kaliforniya Universitetinin (İrvayn) alimləri və ABŞ-nin Dəniz Biologiyası Laboratoriyası kalmarların şəffaflıqla parlaq rəng arasında dərhal keçid etmə qabiliyyətinin mexanizmini araşdıraraq yeni nəsil “ağıllı” materialın əsasını qoyublar.

TodayPress TV xəbər verir ki, araşdırma “Science” elmi jurnalında dərc olunub. 

Tədqiqatçılar müəyyən ediblər ki, kalmarların dərisindəki işığahəssas iridofor hüceyrələri “reflektin” adlı zülaldan ibarət sinozoidal (dalğavari) sütunlar ehtiva edir. Bu strukturlar müəyyən dalğa uzunluğundakı işığı seçici şəkildə əks etdirir və keçirdir, bu da kalmarın rəngini bir anda dəyişməyə imkan verir.

“Kalmarın şəffaflıq və rəngli görünüş arasında keçid etməsi inanılmazdır. Açar rolunu hüceyrələrdəki nanokolonların memarlığı və işığın qırılma indeksinin sinozoidal düzülüşü oynayır”, – deyə layihənin həmmüəllifi bildirib.

Təbiətdəki bu fenomenin ilhamı ilə tədqiqatçılar optik xassələri tənzimlənən kompozit material hazırlayıblar. Bu materialı yaratmaq üçün holotomoqrafiya – zəif intensivlikli işıqla 3D vizualizasiya üsulu istifadə olunub və iridofor hüceyrələrinin funksional analoqu yaradılıb.

Qiymət Mahir