“Turan Tovuz” vacib oyunda xal itirdi

Futbol üzrə Azərbaycan Premyer Liqasının XXVI turunda “İmişli” “Turan Tovuz”u qəbul edib.

TodayPress TV xəbər verir ki, Quba Olimpiya İdman Kompleksinin stadionunda keçirilən qarşılaşma 1:1 hesablı heç-heçə ilə başa çatıb.

Oyunda hesabı 45-ci dəqiqədə Dioqo Kardozu açıb və “İmişli” fasiləyə 1:0 hesablı üstünlüklə yollanıb.

İkinci hissədə “Turan Tovuz” bərabərlik qolunu vurmağa nail olub. 53-cü dəqiqədə Mark Rene Mampassi hesabı bərabərləşdirib – 1:1.

Bu nəticədən sonra “Turan Tovuz” 49 xalla turnir cədvəlində 3-cü pillədə qərarlaşıb. 23 xala malik “İmişli” isə 9-cu sıradadır.

Qeyd edək ki, turun digər oyunlarında “Qəbələ” “Kəpəz” üzərində 2:0, “Neftçi” “Sumqayıt” üzərində 3:1, “Qarabağ” isə “Karvan-Yevlax” üzərində 7:0 hesablı qələbə qazanıb.

Namiq HUN