Transfer qalmaqalı: Salahın gələcəyi müzakirə olunur!

Misir millisinin direktoru İbrahim Həsən hücumçu Məhəmməd Salahın MLS-ə mümkün keçidinə qarşı çıxıb.

TodayPress TV xəbər verir ki, bu barədə “On Sports” nəşri məlumat yayıb.

O bildirib ki, Salahın Avropada qalması daha məqsədəuyğundur:

“Onun Avropada qalmasını istərdim. Eşitmişəm ki, “Pari Sen-Jermen”, “Bayern Munhen” və A Seriyasının bir sıra klubları onunla maraqlanır”.

Həsən qeyd edib ki, MLS-ə keçid futbolçunun diqqət mərkəzindən uzaq düşməsinə səbəb ola bilər:

“Belə olsa, insanlar Salahı izləməkdə çətinlik çəkəcək. Məsələn, indi mən Lionel Messinin oyunlarını izləməyə belə çalışmıram”.

O əlavə edib ki, əgər Avropadan təklif olmazsa, Səudiyyə Ərəbistanı variantı daha uyğun ola bilər:

“Xüsusilə Kriştiano Ronaldo kimi ulduzların orada çıxış etdiyini nəzərə alsaq, bu seçim pis deyil”.

Qeyd edək ki, Salah daha əvvəl mövsümün sonunda “Liverpul” klubundan ayrılacağını açıqlayıb. O, 2017-ci ildən “qırmızılar”ın heyətində çıxış edir və Premyer Liqanın 310 oyununda 189 qol və 92 məhsuldar ötürmə ilə yadda qalıb.

Namiq HUN

TodayPress TV