Transfer oyunu: “Barselona” Kanselu üçün çıxış yolu tapdı!

“Barselona” maliyyə çətinliklərinə baxmayaraq, müdafiəçi Joau Kanselunu komandada saxlamaq üçün yeni plan hazırlayıb.

TodayPress TV xəbər verir ki, bu barədə “Marca” nəşri məlumat yayıb. 

Bildirilir ki, Kataloniya təmsilçisi hazırda “Al-Hilal” klubundan icarəyə götürdükləri futbolçunun transferini birbaşa almaq imkanında deyil. Buna səbəb oyunçunun yüksək maaşıdır.

Klubun planı Kanselo ilə “Əl-Hilal” arasında müqavilənin qarşılıqlı razılıq əsasında ləğv edilməsidir. Bu halda portuqaliyalı müdafiəçi azad agent statusu alacaq və “Barselona” onu pulsuz transfer edə biləcək.

Yeni icarə variantı isə mümkün sayılmır, çünki futbolçunun Səudiyyə klubu ilə müqaviləsinin bitməsinə cəmi bir il qalıb.

Qeyd edək ki, Kanselu cari ilin yanvarında “Barselona”ya icarə əsasında qoşulub və bu müddətdə 12 oyunda 1 qol vurub, 3 məhsuldar ötürmə edib. Onun bazar dəyəri təxminən 9 milyon avro qiymətləndirilir.

Namiq HUN

TodayPress TV