Trafford qərar astanasında - Premyer Liqa klubları sıradadır

“Tottenhem” klubu “Mançester Siti”nin qapıçısı Ceyms Traffordın vəziyyətini izləyir.

TodayPress TV xəbər verir ki, bu barədə “The Sun” nəşri məlumat yayıb. 

Bildirilib ki, Canluici Donnarummanın ehtiyat oyunçusu roluyla barışmaq istəməyən Trafford klubunu dəyişmək barədə ciddi düşünür. Futbolçuya təklif irəli sürməyə hazırlaşan “Tottenhem”in mövsümün sonunda əsas qapıçısı Qulyelmo Vikario ilə yollarını ayıracağı gözlənilir.

23 yaşlı ingilis qolkiperə həmçinin Premyer Liqanın “Nyukasl Yunayted” və “Aston Villa” klubları da maraq göstərir.

Qeyd edək ki, bu ilin mart ayında Trafford İngiltərə futbolunda XXI əsrin rekorduna imza atıb. O, 23 yaş 163 günlüyündə “Uembli”də Liqa Kubokunun finalına start heyətdə çıxan ən gənc ingilis qapıçı olub.

Namiq HUN

TodayPress TV