“Tata Steel Challengers”: Süleymanlı İvançuka uduzdu
Azərbaycan qrossmeysteri Aydın Süleymanlı Niderlandda keçirilən “Tata Steel Challengers” turnirində ilk məğlubiyyətini alıb.
TodayPress TV xəbər verir ki, Süleymanlı XI turda tanınmış ukraynalı qrossmeyster Vasili İvançuka uduzub.
Hazırda Aydın Süleymanlı İvançukla birlikdə 2–3-cü yerləri bölüşür. Hər iki şahmatçının aktivində 8 xal var. Turnirin lideri isə 8,5 xalla ABŞ təmsilçisi Endi Vudvortdur.
Qeyd edək ki, “Challengers” turnirinin qalibi növbəti il Veyk-an-Zee şəhərində keçiriləcək nüfuzlu “Masters” turnirində iştirak etmək hüququ qazanacaq.
Namiq HUN
