Süni komada əməliyyat: Luçeskuya ümid var

Rumıniyalı futbol mütəxəssisi Mirçe Luçesku üçün, süni komada olmasına baxmayaraq, əməliyyat planlaşdırılır. 

TodayPress TV xəbər verir ki, “Fanatik” sosial şəbəkə X-də məlumat yayıb. 

Bildirilib ki, ürək və ağciyərlərin funksiyalarını dəstəkləmək üçün EKMO (ekstrakorporar membran oksigenasiya) aparatı istifadə olunacaq. Bundan əlavə, prosedurda Fransadan kardioloq-mütəxəssisin iştirakı gözlənilir.

Əvvəlcə bildirilib ki, rumıniyalı mütəxəssis Mirçe Luçesku mexaniki qan dövranı dəstək sistemi ala bilər.

Xatırladaq ki, mütəxəssis Rumıniya yığmasının məşqində vəziyyətinin pisləşməsi səbəbindən xəstəxanaya yerləşdirilib. Məşqçiyə kəskin miyokard infarktı diaqnozu qoyulub. Aprelin 5-də vəziyyəti ağırlaşan Luçesku süni komaya salınıb.

Namiq HUN

TodayPress TV