Sent Lüsiya millisinin baş məşqçisi: "Bu nəticəni gözləmirdim"
Sent Lüsiyanın futbol üzrə millisi Azərbaycan yığması ilə matçda böyükhesablı məğlubiyyət gözləməyib.
TodayPress TV xəbər verir ki, bu barədə komandanın baş məşqçisi Stern Con mətbuat konfransında bildirib.
O, sadə səhvlər etdiklərini bildirib:
“Bilirdik ki, rəqib fiziki və taktiki cəhətdən bizi üstələyəcək. Azərbaycan millisi çox yaxşı təşkilatlanmış komandadır. Bu barədə futbolçularıma məlumat vermişdim. Demişdim ki, onlar Avropa təmsilçisidir və güclü rəqiblərə qarşı oyunlar keçiriblər. Buraya gəlmək üçün uzun zaman sərf etdik. Bir oyun keçirmək məyusedicidir”.
