Şakil O’Nil boks çağırışını qəbul etdi

ABŞ Milli Basketbol Assosiasiyasının (NBA) Şöhrət Zalının üzvü və dördqat çempionu Şakil O’Nil Hollivud ulduzu Uill Smitin keçmiş mühafizəçisi, hazırda prodüser və reper olan Çarls Olstonun (səhnə adı – Çarli Mək) boks çağırışını qəbul edib.

TodayPress TV xəbər verir ki, Çarli Mək sosial şəbəkədə O’Nilə müraciət edib.

“Şak, yadındadır, hər kəsə deyirəm ki, sən 13 yaşındasan. Bir dəfə o, Dallasa avtoqraf paylamağa gəlmişdi. Mən də onun boynuna şillə vurmuşdum, çünki növbəyə girməyə çalışırdıq. İndi isə fərqlərimizi həll etməyin vaxtıdır. Mən və sən, super-ağır çəkidə… Mən səni “Şa-nokaut olunmuş” adlandırıram. Gəl başlayaq”.

Əvvəlcə şərhlərdə sadəcə “Gəl başlayaq” yazan O’Nil, daha sonra isə ayrıca paylaşım edib:

“Ey, bu ulduzların boksudur və Çarli Mək. Çağırışını qəbul edirəm. Boynuma vurmuşdun, Çarli Mək. Ona görə indi hesablaşma vaxtıdır. Vaxtı və yeri de, mən orada olacam. ‘Dizel’ heç kimdən qaçmır. Ən yaxşısı polis arxivimə bax”.

Namiq HUN