Ramiz Məmmədov: Xankəndi stadionunda əsl bayram ab-havası var idi

Ramiz Məmmədov: Xankəndi stadionunda əsl bayram ab-havası var idi
19.11.2026 18:33 İdman

Xankəndi şəhər stadionunda yenidənqurmadan sonra keçirilən ilk oyunda bayram əhval-ruhiyyəsi hökm sürüb.

TodayPress TV xəbər verir ki, bunu “Karvan-Yevlax” klubunun baş məşqçisi Ramiz Məmmədov “Xankəndi” ilə qarşılaşmadan sonra keçirilən mətbuat konfransında deyib.

Mütəxəssis səfərdə qazandıqları qələbəni və stadiondakı atmosferi dəyərləndirib:

“Xankəndinin yenilənmiş stadionunda ilk oyun keçirildi. Qələbə qazanan tərəf olsaq da, sevinən təkcə biz deyildik. Bu gün Xankəndi stadionunda əsl bayram ab-havası var idi. Futbolçular verilən tapşırıqların öhdəsindən layiqincə gəldilər”.

Qeyd edək ki, Azərbaycan I Liqasının VIII turu çərçivəsində keçirilən “Xankəndi” – “Karvan-Yevlax” oyunu qonaq komandanın 2:0 hesablı qələbəsi ilə başa çatıb.

Jalə Rövşən

XƏBƏR LENTİ
19 NOYABR 2026
Bütün Xəbərlər