MVP yarışı qızışır – Meloun favoritini açıqladı
Keçmiş NBA məşqçisi Maykl Meloun cari mövsümün ən dəyərli oyunçusu (MVP) ilə bağlı fikirlərini bölüşüb.
TodayPress TV xəbər verir ki, o, “Oklahoma Siti Tander” klubunun kanadalı ulduzu Şey Gilces-Aleksanderin bu mükafata layiq görüləcəyini bildirib.
Melounun sözlərinə görə, basketbolçu həlledici anlarda özünü ən yaxşı tərəfdən göstərir və bir neçə oyunda son saniyələrdə vacib xallar qazanaraq komandasına qələbə qazandırıb.
Mütəxəssis, həmçinin qeyd edib ki, Gilces-Aleksander tarixdə ilk dəfə olaraq müdafiəçi mövqeyində çıxış edən oyunçu kimi orta hesabla 30 xal və 55% dəqiqlik göstəricisinə nail ola bilər.
Namiq HUN
