Millimiz ilk dəfə Afrika təmsilçisi ilə qarşılaşacaq
Futbol üzrə Azərbaycan yığma komandası bu gün “FIFA Series – 2026” beynəlxalq turniri çərçivəsində ikinci oyununa çıxacaq.
TodayPress TV xəbər verir ki, millimiz Syerra Leone yığma komandası ilə qarşılaşacaq.
Azərbaycan yığma komandası tarixində ilk dəfə Afrika təmsilçisinə qarşı oynayacaq. Hazırda rəqib FIFA reytinqində 119-cu, millimiz isə 125-ci yeri tutur.
Mehdi Hüseynzadə adına Sumqayıt şəhər stadionunda keçiriləcək oyun saat 19:00-da start götürəcək.
Xatırladaq ki, Azərbaycan yığma komandası “FIFA Series – 2026” beynəlxalq turniri çərçivəsində keçirilən ilk oyunda Sent Lüsiya yığmasını 6:1 hesabı ilə məğlub edib.
Namiq HUN
