“Mançester Yunayted” üçün zərbə: Patrik Dorqu sıradan çıxdı

İdman

27.01.2026 16:10

“Mançester Yunayted”in yarımmüdafiəçisi Patrik Dorqu zədə səbəbindən uzun müddət yaşıl meydanlardan uzaq qalacaq.

TodayPress TV xəbər verir ki, bu barədə The Athletic nəşri məlumat yayıb.

Tibbi müayinələr zamanı məlum olub ki, 21 yaşlı danimarkalı futbolçu İngiltərə Premyer Liqasının XXIII turunda “Arsenal”a qarşı keçirilən və 3:2 hesabı ilə başa çatan matçda bud nahiyəsindən zədə alıb. Dorqunun təxminən 10 həftə müddətinə sıradan çıxdığı bildirilir.

Qeyd edək ki, Patrik Dorqu cari mövsümdə bütün turnirlərdə 24 oyun keçirib, 3 qol vurub və 3 məhsuldar ötürmə ilə yadda qalıb.

Namiq HUN

tag: “Mançester Yunayted”,Patrik Dorqu,Premyer Liqası,Yarımmüdafiəçi ,Todaypress.tv,