Güləşçilərilərimiz Estoniyada 5 medal qazandı

Estoniyada yeniyetmə güləşçilər arasında “Tallin Open” turniri keçirilib.

TodayPress TV xəbər verir ki, ənənəvi yarışda ölkəmizi U17 milli komandanın böyük məşqçisi Mariya Stadnik və məşqçi Solmaz Adilovanın rəhbərliyi altında 7 güləşçi təmsil edib ki, onların da 5-i fəxri kürsüyə qalxıb.

Fatimə Bayramova (53 kq) keçirdiyi 7 görüşün hər birində qalib gələrək çempion olub. Nəzrin Əhmədli (49 kq), Rəna Nuriyeva (61 kq) və Simurə Abdullayeva (69 kq) gümüş, Xədicə Qurbanzadə (49 kq) isə bürünc medal qazanıb.

Qeyd edək ki, komandamız yarışdan sonra Tallində keçiriləcək beynəlxalq təlim-məşq toplanışında iştirak edəcək. Hazırlıq prosesi aprelin 1-dək davam edəcək. Yığmamız U17 Avropa çempionatı öncəsi son toplanışı Bakıda keçəcək.

TodayPress TV