FHN-in xilasedicisi Cənubi Amerikanın ən yüksək zirvəsinə qalxdı
Fövqəladə Hallar Nazirliyinin (FHN) Xüsusi Riskli Xilasetmə Xidmətinin xilasedicisi Sima Səfərova Akonkaqua zirvəsini fəth edib.
TodayPress TV xəbər verir ki, bu barədə qurumun mətbuat xidməti məlumat yayıb.
Cənubi Amerikanın ən yüksək zirvəsi olan Akonkaquaya (6962 metr) texniki dırmanma Azərbaycan Alpinizm Federasiyasının təşəbbüsü ilə həyata keçirilib.
Hədəfə uğurla çatan alpinist Azərbaycanın Dövlət Bayrağı ilə bərabər Fövqəladə Hallar Nazirliyinin rəmzi olan bayrağı da Akonkaqua zirvəsində dalğalandırıb.
Namiq HUN
