Dünya çempionatından kənar qalan İtaliyada şok qərar

Futbol üzrə İtaliya milli komandasının baş məşqçisi Cennaro Qattuzo vəzifəsindən uzaqlaşdırılacaq.

TodayPress TV xəbər verir ki, bu barədə insayder Fabrizio Romano sosial şəbəkədə məlumat yayıb.

Qərarın səbəbi İtaliya yığma komandasının Bosniya və Herseqovina millisinə  qarşı DÇ-2026-nın pley-off mərhələsinin finalında məğlub olmasıdır. Əsas vaxt 1:1 hesabı ilə başa çatsa da, penaltilər seriyasında İtaliya 1:4 hesabı ilə uduzub.

Bu nəticə ilə “Skuadra Adzurra” tarixində ilk dəfə ardıcıl üç dünya çempionatını buraxacaq. İtaliya yığması sonuncu dəfə 2014-cü ildə mundialda iştirak edib. Komanda ümumilikdə dördqat dünya çempionudur.

Qeyd edək ki, Qattuzo 2025-ci ildən etibarən İtaliya komandasına rəhbərlik edirdi. O, daha əvvəl “Napoli”, “Milan”, “Marsel” və “Hayduk Split” klublarını çalışdırıb.

Namiq HUN

TodayPress TV