De Zerbi qərarlıdır: “Tottenhem”dən ayrılmayacağam

İtaliyalı futbol mütəxəssisi Roberto De Zerbi bildirib ki, növbəti mövsümdə də “Tottenhem” klubunun baş məşqçisi olacaq.

TodayPress TV xəbər verir ki, bu barədə BBC məlumat yayıb.

Məlumata görə, De Zerbi komandanın Premyer Liqadan düşəcəyi təqdirdə belə postunda qalacağını vəd edib.

O, bu həftə “Tottenhem”lə 5 illik müqavilə imzalayıb. Cari mövsümün sonuna qədər komandanın daha 7 oyunu qalıb və bu matçlarda “mahmızlar” elitada qalmaq üçün mübarizə aparacaq.

De Zerbi həm futbolçularına, həm də özünə inandığını vurğulayıb, lakin növbəti mövsümdə Çempionşipdə işləməyə də psixoloji olaraq hazır olduğunu bildirib.

Baş məşqçi qeyd edib ki, “Tottenhem” onun karyerasında ən böyük sınaqlardan biridir və bu çağırışı qəbul etməyə hazırdır.

Namiq HUN

TodayPress TV