Dayanmaq bilmir: Dünya birincisi finala adladı

Arina Sobolenko Elina Svitolinanı məğlub edərək “Australian Open-2026”nın finalına yüksəlib.

TodayPress TV xəbər verir ki, dördqat “Böyük Dəbilqə” turnirlərinin qalibi, dünya reytinqinin birincisi olan belaruslu tennisçi Arina Sobolenko Melbrun turnirinin yarımfinal mərhələsində ukraynalı Elina Svitolinanı 6:2, 6:3 hesabı ilə məğlub edib.

Dünya reytinqinin 12-ci pilləsində qərarlaşan Svitolina ilə qarşılaşma 1 saat 17 dəqiqə davam edib. Bu müddət ərzində Sobolenko eys etməyib, bir ikiqat səhvə yol verib və 7 breyk-poyntdan 4-nü reallaşdırıb. Svitolinanın aktivində isə 2 eys, 3 ikiqat səhv və 4 breyk-poyntdan 1 reallaşdırılmış imkan var.

Qeyd edək ki, 27 yaşlı belaruslu tennisçi “Australian Open” turnirinin finalında ABŞ təmsilçisi Cessika Pegula ilə Qazaxıstan tennisçisi Yelena Rıbakina arasındakı oyunun qalibi ilə qarşılaşacaq.

Namiq HUN

TodayPress TV