Davranışına görə komandadan uzaqlaşdırıldı
Antoni Marsyalın karyerasındakı eniş davam edir.
Todaypress TV xəbər verir ki, "TUDN" nəşrinin məlumatına görə, fransalı hücumçu “Monterrey”də əsas komandadan kənarlaşdırılıb.
Buna səbəb onun “Çivas Quadalaxara” ilə oyunda meydana buraxılmamasına verdiyi aqressiv reaksiya olub. Baş məşqçi Nikolas Sançezin qərarı ilə Marsyal bir həftəlik komandadan uzaqlaşdırılıb və kollektiv məşqlərdə iştirak etməyəcək.
Meksika mətbuatı futbolçunun zəif performansını və intizamsız davranışlarını kəskin tənqid edir.
Qeyd edək ki, “Mançester Yunayted”in sabiq futbolçusu cari mövsümdə 20 oyunda cəmi 1 qol vurub.
