Çətin günlər yaşayan Lukaku həqiqəti açıqladı
“Napoli” və Belçika millisinin hücumçusu Romelu Lukaku yığmanın düşərgəsini niyə tərk etdiyini açıqlayıb.
TodayPress TV xəbər verir ki, bu barədə “Canluka Di Martsio” nəşri məlumat yayıb.
Futbolçu sosial şəbəkə hesabında səhhəti ilə bağlı vəziyyətinə aydınlıq gətirib və bildirib ki, mövsüm onun üçün olduqca çətin keçib: həm zədələr, həm də şəxsi itki (atasının vəfatı) ilə üzləşib.
Lukaku qeyd edib ki, son həftələrdə fiziki durumunda problemlər hiss edib. Belçikada aparılan müayinələr nəticəsində bud əzələsində iltihab və maye toplanması aşkarlanıb. Bu noyabrda meydanlara qayıtdıqdan sonra qarşılaşdığı ikinci problemdir.
Hücumçu əlavə edib ki, reabilitasiya prosesini Belçikada davam etdirmək qərarına gəlib:
“100 faiz hazır olduğuma əmin olmalıyam. Komandam üçün oynamaq və qalib gəlməkdən daha çox istədiyim heç nə yoxdur. Amma son vaxtlar ideal formada deyildim və tam hazır olmaq istəyirəm”.
Lukaku vurğulayıb ki, sağaldıqdan sonra həm “Napoli” klubu, həm də Belçika millisi üçün yenidən maksimum faydalı olmağa çalışacaq.
Namiq HUN
