“Bu, haqq edilmiş uğurdur” - Hemilton “Oskar” nominasiyası barədə

“Ferrari” pilotu  Lyuis Hemilton Kino Sənətləri və Elmləri Akademiyasının “Formula-1” filmini “Oskar-2026” mükafatına namizəd göstərməsinə münasibət bildirib. 

TodayPress TV xəbər verir ki, 41 yaşlı britaniyalı pilot filmdə məsləhətçi prodüser kimi çıxış edib.

Hemilton bu barədə sosial şəbəkələrdə yazıb.

“Bu, inanılmaz dərəcədə sürrealdır. “Formula-1” filminin Akademiya tərəfindən namizəd göstərildiyini görmək mənim üçün böyük şərəfdir, xüsusilə də belə istedadlı sənətçilər və hekayə danışanlarla bir sırada olmaq. Bu filmi yaradarkən bilirdik ki, əlimizdə xüsusi, real və səmimi bir iş var. Hər kəsin zəhmətinin və fədakarlığının bu cür dəyərləndirilməsi möhtəşəmdir. Layihə üzərində çalışan hər kəsə ayrıca hörmət. Bu, tam mənası ilə haqq edilmiş uğurdur!” - deyə Hemilton bildirib. 

Namiq HUN

TodayPress TV