Böyük qarşılaşma öncəsi Van Deykdən Haaland xəbərdarlığı

“Liverpul” klubunun müdafiəçisi Vircil van Deyk “Mançester Siti”nin hücumçusu Erlinq Haaland haqqında fikirlərini bölüşüb.

TodayPress TV xəbər verir ki, niderlandlı futbolçu norveçli forvardı müasir futbolun ən təhlükəli hücumçularından biri kimi qiymətləndirib.

Van Deykin sözlərinə görə, Haaland güclü fiziki göstəriciləri, sürəti və qol vurmaq bacarığı ilə fərqlənir:

“Erlinq möhtəşəm hücumçudur. Ona qarşı uzun illərdir oynayıram. O, müasir hücumçudur. Güclü, sürətli və təbii bombardirdir. Ona qarşı oynamaq heç vaxt asan olmur. Son matçda çox gərgin oyun oldu və matçın gedişini dəyişə bilsəydik, nəticə fərqli ola bilərdi. Amma ikinci hissədə məğlubiyyət qaçılmaz oldu. Həftəsonu yeni şansımız var və bu qarşılaşmanı səbirsizliklə gözləyirik”, - deyə Vircil van Deyk bildirib.

Qeyd edək ki, “Liverpul” və “Mançester Siti” arasında İngiltərə Premyer Liqasının XXV turunun matçı fevralın 8-də keçiriləcək.

Namiq HUN

TodayPress TV