Böyük dönüş: Temmi Abraham yenidən “Aston Villa”ya qayıdır

“Aston Villa” klubu “Beşiktaş”ın hücumçusu Temmi Abrahamın transferi ilə bağlı razılıq əldə edib. 

TodayPress TV xəbər verir ki, bu barədə tanınmış insayder Fabritsio Romano X sosial şəbəkəsində məlumat yayıb.

“Temmi Abraham “Aston Villa”ya keçir! Şəxsi müqavilənin şərtləri bir neçə gün əvvəl razılaşdırıldıqdan sonra “Beşiktaş”la şifahi razılaşma əldə olunub. Transferin məbləği 21 milyon avro + bonuslar təşkil edir. Yasin Özcan da sövdələşməyə daxil ediləcək. Hazırda “Aston Villa”nın nümayəndələri Türkiyədədir və transferin rəsmi şəkildə tamamlanması üzərində işləyirlər”, - deyə Romano yazıb.

Qeyd edək ki, 28 yaşlı Temmi Abraham əvvəl də “Aston Villa”nın formasını geyinib. İngilis hücumçunun karyerasında həmçinin “Çelsi”, “Milan” və “Roma” klubları yer alır.

Namiq HUN

TodayPress TV